Անչափահասների արդարադատության խորհուրդը (այսուհետ՝ Խորհուրդ) իր գործունեությունն իրականացնում է՝ ղեկավարվելով Հայաստանի Հանրապետության արդարադատության նախարարի 2018 թվականի մայիսի 11-ի N 188-Ա հրամանով հաստատված աշխատակարգով և այլ իրավական ակտերով:
Խորհրդի նախագահն է Հայաստանի Հանրապետության արդարադատության նախարարի տեղակալ Սրբուհի Գալյանը:
Խորհրդի գործունեության կազմակերպչական-տեխնիկական աշխատանքների շարունակական ապահովումը և քարտուղարությունն իրականացնում է ՀՀ արդարադատության նախարարության «Իրավական կրթության և վերականգնողական ծրագրերի իրականացման կենտրոն» ՊՈԱԿ-ը:
Խորհուրդը, ելնելով երեխայի լավագույն շահերից, նպաստում է Հայաստանի Հանրապետությունում օրենքի հետ առնչվող անչափահասների (երեխաների) ինստիտուցիոնալ (իրավական, հոգեբանական, սոցիալական, էթիկական և այլն) համակարգի կայացմանն ու շարունակական կատարելագործմանը, երեխաների իրավունքների և օրինական շահերի պաշտպանության ապահովմանը: