«Իրավական կրթության և վերականգնողական ծրագրերի իրականցման կենտրոն» ՊՈԱԿ-ը, Հայաստանում ՄԱԿ-ի մանկական հիմնադրամի (UNICEF-ՅՈՒՆԻՍԵՖ) հետ համագործակցության շրջանակներում, շարունակում է իրականացնել երեխայի նկատմամբ բռնության կանխարգելման կարողությունների համագործակցային աշխատանքներին վերաբերող մարզային դասընթաց–քննարկումները:
2021 թվականի հոկտեմբերի 01-ին ՀՀ Լոռու մարզի Վանաձոր քաղաքում կայացավ «Համագործակցային աշխատանքի կարողությունների զարգացում՝ ի նպաստ երեխաների նկատմամբ բռնության կանխարգելման» խորագրով հերթական դասընթաց-քննարկումը:
Հանդիպմանը մասնակցում էին Լոռու մարզպետարանի համապատասխան ստորաբաժանումների ավագ մասնագետներ, ՀՀ քննչական կոմիտեի Լոռու մարզային ՔՎ ՀԿԳ ավագ քննիչներ, «Սպիտակ Հելսինկյան խումբ» հասարակական կազմակերպության ղեկավարը, ինչպես նաև կազմակեպերության սոցիալական աշխատակիցներ, «Երեխաների և ընտանիքի աջակցման կենտրոն» ՊՈԱԿ-ի աշխատակիցներ, ՀՀ ԱՆ պրոբացիայի ծառայության Լոռու մարզային մարմնի ներկայացուցիչ, Վանաձոր քաղաքի թիվ 5 պոլիկլինիկայի տեղամասային մանկաբույժներ, Լոռու մարզի առողջապահության և սոցիալական ապահովման վարչության առողջապահության բաժնի պետ և այլ հյուրեր:
Հաջորդ հանդիպումը տեղի ունեցավ հոկտեմբերի 4-ին Արմավիրի մարզում: Միջոցառման հյուրերն էին Արմավիրի մարզպետարանի համապատասխան ստորաբաժանումների ներկայացուցիչներ, կրթության բաժնի ավագ մասնագետներ, ՀՀ ԱՆ պրոբացիայի ծառայության մարզային մարմնի ներկայացուցիչ, ՀՀ ՔԿ Արմավիրի մարզային ոստիկանության ծառայողներ, սոցիալական աշխատողներ և այլ գերատեսչությունների ներկայացուցիչներ:
Քննարկում-հանդիպումների ընթացքում բարձրաձայնվեցին մարզային համայնքներում առկա դեպքերն ու խնդիրները` կապված երեխաների և կանանց նկատմամբ բռնության կանխարգելման հետ, ինչպես նաև երեխայի լավագույն շահերի տեսանկյունից նրանց իրավունքների պաշտպանության և դրանց լուծման հնարավոր ուղիների բացահայտման վերաբերյալ առաջարկներ:
